იტალიელი დიზაინერი რობერტო კავალი  სიმდიდრისადმი განსაკუთრებული სიყვარულითაა ცნობილი და ეს თვისება კუტურიეს თითქის ყველა ქმნილებაში ჩანს: დაწყებული საღამოს ტანსაცმლით, რომელშიც ცნობილი სახეების წითელ ხალიჩაზე ჩნდებიან და დამთავრებული ფეხსაცმლით. კავალის სტილის მორიგ ნიმუშად ქალის ფეხსაცმელი Gem Heels იქცა, რომელიც საკმაოდ წარმატებულად ახამებს სიკაშკაშესა და პროვოკატულობას ნამდვილ იტალიურ ელეგანტურობასთან. Gem Heels შავი ლაკირებული ტყავის ქალის საზაფხულო ფეხსაცმელია, რომელსაც განსაკუთრებულ სინატიფესა და ხიბლს ნათელი, ფერადფერადი კრისტალები და ნახევრადძვირფასი ქვები მატებს. ამას გარდა, ფეხსაცმელი ყურადღებას მაღალი, წვრილი და მოოქროვილი ქუსლებითაც იპყრობს. Gem Heels-ის ღირებულება, ისევე როგორც რობერტო კავალის ქმნილებების უმეტესი ნაწილის, საკმაოდ დიდია-მაღალქუსლიანი, მოდური ფეხსაცმლის მოყვარულებს ისინი 775 დოლარი დაუჯდებათ.